Höhner Follow

Dat Johr, dat es nu bald vorbei
dä Boum do drusse waat op Schnee
dä Himme1 süht su traurig us
un jeder bliev et leevs zo Hus
Doch eine Stään am Firmament
dä heller als die andre brennt
verzällt uns Minsche jroß un klein
watt domols wor en Bethlehem
Un jeder föhlt dat jroße Jlöck
dat uns beschert die Weihnachtszigg
un jeder weiß - off fän off noh
dat Fess´ der Liebe es jetz´ endlich do
Dann weed dä Weihnachtsbaum jeschmöck
sojar dä Hungk luurt janz verzöck
un en da Köch do steiht ene Duft
von Weihnachtsplätzje en dr Luft
Die Krepp met Esel, Köh un Schöf
steiht ungerm Boum - et Chris´kind schlöf´
kumm Heiland, bes hück unser Jast
mach' op dr Fahrt en koote Rast
Die Oma drink ne Rum im Tee,
un drusse fällt dä eetse Schnei,
un jeder weiß - off fän off noh
dat Fess´ der Liebe es jetz´ endlich do
Om Boum do brennt et Kääzeleech
et Jlöckche bimmelt opjerääch
un en dr Stuff erklingk dat Leed
dat övverall jesunge weed
Dann packe mer Jeschenke us
de Kinderouge weede jroß
e Trönche he un do verdröck
denk mr su aan sing Kinderzigg
un övverall he op dr Welt
denk jeder noh watt wirklich zällt
un jeder weiß - off fän off noh
dat Fess´ der Liebe es jetz´ endlich do!